D ameyyez si Tira Iqedsen ɣef tikki-nneɣ akled laɛbada di tudert-nueɣ. Assaɣ-nneɣ aked Ṛebbi.
69. Dayen yesɛan azal meqren ma neqqar Lɛahd Ajdid. Acuɣer?
Iwakken a nissin leḥmala n Sidna Ɛisa yerna a nelmed amek ara namen yis.
Ayen akk i d-yettwajemɛen deg-s yura-d iwakken att-ttamnem belli d Ɛisa i d Lmasiḥ, d Mmi-s n Ṛebbi yerna ma tumnem yis ad ttesɛum tudert s yisem-is. (Yuḥenna 20.31)
70. Sidna yusa-d seg igenni ɣer ddunit. Acuɣer?
Iwakken a d-isbeggen leḥmala n Sidi Ṛebbi.
Sidi Ṛebbi iḥemmel imdanen n ddunit meṛṛa armi i d-yefka Mmi-s awḥid iwakken kra n win yumnen yis ur yettmettat ara meɛna ad yesɛu tudert n dayem. (Yuḥenna 3.16)
71. Dacu-t Sidna Ɛisa ar ɣur-ek?
Sidna Ɛisa d ameksa-w. Issen-iyi. Iḥemmel-iyi yerna yettɛawan-iyi iwakken a t-ḥemleɣ seg wul-iw meṛṛa. Ittwellih-iyi, yettḥarab fell-i, issefṛaḥ-iyi, yettara-iyi d asseɛdi imi lliɣ d ayla-s.
Nekk d ameksa n ṣṣeḥ... ssneɣ ulli-inu, am wakken nutenti daɣen ssnent-iyi. (Yuḥenna 10.14)
Ahellil 23, Ḥiziqyel 34; Yuḥenna 10
72. Anwa i d-ibecṛen talalit n Sidna Ɛisa i Meryem akk-d Yusef?
Lmelk Jibṛayil yenna i Meryem: “a d-tesɛuḍ aqcic ara yilin d Lmasiḥ, Amsellek n ddunit !”
Lmelk yenna: “Ur ttaggad ara a Meryem ! Axaṭer Sidi Ṛebbi isbeggen-am-d leḥmala-as tameqrant s yiwet n ssira issewhamen.” (Luqa 1.30)
73. D acu i s-terra Meryem ?
Meryem terra-yas : “Aql-i tt-ttaqeddact n Sidi Ṛebbi. Sidi Ṛebbi ad ixdem deg-i ayen akka i yi-d-tenniḍ !”
Meryem tenna : Taṛwiḥt-iw teḥmed Sidi Ṛebbi, ul-iw yeččuṛ d lfeṛḥ imi d netta i d amsellek-iw, axaṭer iwala-yi-d nekk taqeddact-is tameɣbunt ur nesɛi azal. Sya d asawen si lǧil ɣer lǧil a yi-qqaṛen : ttaseɛdit. (Luqa 1.46, 48)
74. D acu xedmen imeksawen nni mi sen-beccṛen lmalayekkat talalit n Sidna Ɛisa ?
Ǧǧan ulli-nsen, ṛuḥen iwakken ad walin aqcic nni.
Imiren kan ṛuḥen, ufan dinna Meryem d Yusef akk-d llufan-nni yeṭṭes di lmedwed. (Luqa 2.16)
75. Anwa i d-ibecṛen taneɣlaft n Sidna Ɛisa mi tebda?
D Yeḥya aɣeṭṭas.
Heggit abrid n Sidi Ṛebbi, ssemsawit iberdan-is ! (Luqa 3.4)
Luqa 3.7
76. D acu n lexbaṛ i d-yewwi Yeḥya aɣeṭṭas?
Tubet, beddlet tikli. Feṛqet llebsa-nwen akk-d lqut-nwen akk-d wid ur nesɛi ara.
Luqa 3.3,10
77. D acu n lexbaṛ i d-yewwi i wid iḥekmen, i yɛeṣkriwen akk-d imekkasen?
Barka-kkun, ḥebset ur ttekkset ara idrimen-nsen i lɣaci i wen-d-izzin!
Luqa 3.13-14
78. D anta-tent ṛebɛa Linǧilat i d-ittmeslayen ɣef tudert akk-d lmut n Sidna Ɛisa?
Matta, Marqus, Luqa akk-d Yuḥenna.
Licarat i d-ittwaḥkan dagi a kkun-awint att-ttamnem belli d Ɛisa i d Lmasiḥ, Mmis n Ṛebbi. Imiren, ma yella tumnem, att-ttesɛum tudert yis. (Yuḥenna 20.31)
79. Anta-tent ṛṛebɛa n temsalin timeqranin yeɛnan tudert n Sidna Ɛisa?
Talalit-is, lmut-is, ḥeggu-ines akk-d tuɣalin-ines ɣer igenni.
Walit Linǧilat i ṛṛebɛa yid-sent
80. D anta-tent laɛyud i gttemcabin ɣer wayagi?
Ass n tlalit n Sidna Ɛisa iwumi neqqar Nuwil, ass n leǧmeɛ imqedes, ass n lɛid n usuref akk-d wass n walluy n Sidna Ɛisa ɣer igenni.
A nṛeṣṣi tamuɣli-nneɣ di Ɛisa Lmasiḥ. D netta i ɣ-d-ildin abrid n liman yerna yessawaḍ-it ɣer lekmal. (Iɛebraniyen 12.2)
81. Amek i d-isbeggen Sidna Ɛisa leḥmala n Sidi Ṛebbi?
S ḥellu n imuḍan, s lbeṛhanat nniḍen, s uselmed-ines, s lehduṛ-is netta d lɣaci, akk-d abeɛda s lmut-is.
Wagi, [Sidna Ɛisa] ifka iman-is d asfel fell-aɣ, daymi i gɛeffu Sidi Ṛebbi ddnubat-nneɣ. (1 Yuḥenna 4.10b)
82. Anwa-ten ṛṛusul?
D irgazen i gextaṛ Sidna Ɛisa iwakken ad ilin yid-es, iwakken a d-ccehden s wayen akk walan d wayen slan.
Sidna Ɛisa yextaṛ tnac seg-sen, yefka-yasen isem n ṛṛusul. (Marqus 3.14)
Lecɣal n Ṛṛusul 1
83. Anwa-t ṛṛasul Buṭrus?
D ṛṛasul i gnekṛen Sidna Ɛisa uqbel ad ittwasemmeṛ ɣef umidag. Sidna Ɛisa yeɛfa-yas. Mbeɛd, Buṭrus yuɣal d yiwen wemḍebbar amezwaru si ger imḍebren n Tmezgida.
Sidna Ɛisa isteqsa Semɛun Buṭrus yenna-yas :
A Semɛun mmi-s n Yunes, tḥemmleḍ-iyi ? Yerra-yas : Ih teẓriḍ ḥemmleɣ-k a Sidi !
Sidna Ɛisa yenna-yas : Ḥader ulli-inu (lhi-d d wulli-inu). (Yuḥenna 21.16, BS)
Yuḥenna 18; Lecɣal 2-4; 1 akk-d 2 Buṭrus
84. Anwa-t Stifan?
D amḍebbar daxel n Tmezgida. Ilehhu-d d igellilen, yella daɣen d win ittbecciṛen Awal n Sidi Ṛebbi s tezmert. Nɣan Stifan s warǧam n yeẓra( n yedxaɣen) ɣef ddemma n liman-ines.
Sidi Ṛebbi yefka i Stifan tazmert-is akk-d leḥmala-ines. (Lecɣal 6.8)
Lecɣal 6 akk-d 7
85. Anwa-t ṛṛasul Bulus?
D amdan i gkeṛhen imasiḥiyen, ittqehhiren-iten. Sidna Ɛisa imuger-it deg webrid n Damas, ibeddel-it, yerra-t d ṛṛasul, d amceggeɛ.
Ssid-nneɣ yenna i Bulus : “Nekk d Sidna Ɛisa win akken i tettqehirreḍ… Ḍehṛeɣ-ak-d iwakken att-ttuɣaleḍ d aqeddac-iw.” (Lecɣal 26.15-16, BS)
Lecɣal 9-28 akk-d tebratin n Bulus.
86. Awa-t Timuti?
D yiwen ilemẓi i gewwi Bulus yid-es iwakken a t-isselmed. Mbeɛd, Timuti yuɣal d amceggeɛ n Lexbaṛ n Lxiṛ yerna d amḍebbar daxel n Tmezgida.
A Timuti, i kečč iwumi n-uriɣ tabratt agi, kečč i d-ṛebbaɣ di liman am mmi n tidett. (1 Timuti 1.2)
Lecɣal 16
87. D acu i xeddmen imasiḥiyen imezwura wway gar-asen neɣ lwaḥid ?
Zzgan ttnejmaɛen wway gar-asen iwakken ad ẓẓallen, ad ɣren Awal n Sidi Ṛebbi.Sddukulen lfeṛḥ-nsen, ayen i ten-iceɣben akk-d wayen akk sɛan. Beṭṭun aɣrum n usmekti n Lmasiḥ.
Wid yumnen tt-ttɛicin am atmaten tt-ttyestmatin. (Lecɣal 2.42)
Lecɣal 2-8
88. Anwa-ten imasiḥiyen imezwura?
D imdanen n tmura n usammer alemmas, n Tefriqt akk-d Asiya. Mbeɛd, lullent-ed tmezgida di Tmura n Urupa.
Lecɣal 2.9-11
89. Tamezgida tamezwarut temmuger-ed uguren neɣ ala ?
Temmuger-ed uguren ! Ayagi ɣef ddemma n uqehher, ɣef ddemma n yir imḍebren n temezgida akk-d ccwal d umennuɣ i d-ittilin ger imasiḥiyen.
A d-kecmen gar-awen yemdanen yettemcabin ɣer wuccanen iweɛṛen, wid ur nettarḥam ara taqeḍɛit. (Lecɣal 20.29)
Tibratin n ṛṛusul Bulus, Buṭrus akk-d Yuḥenna
90. Iḥez̦z̦en Sidna Ɛisa m'ara ḍefren warraw-is yir abrid yerna mfaṛaqen?
Iḥez̦z̦en. Isebbel tudert-is iwakken agdud-is a d-ijmeɛ yal ccetla, yal lǧens, yal tutlayt n ddunit meṛṛa Yebɣa ad ɛicen wway gar-asen di tidett akk-d uferdis (unité).
Msefhamet wway gar-awen, sɛut yiwen uxemmem d yiwen n ṛṛay, ur ilaq ara a d-yili beṭṭu gar-awen. (1 Kurintus 1.10)
Yuḥenna 13-17
91. Amek ara nefhem mliḥ Linǧil akken ilaq, amek ara t-nessexdem ?
S leqraya s telqayt akk-d umeyyez n Lɛahd Aqdim akk-d Lɛahd Ajdid.
S Tektabin iqedsen, aqeddac n Sidi Ṛebbi ad ittuheggi, ad ilmed iwakken ad yili d amdan ikemlen i gwulmen i yal ccɣel yelhan. (2 Timuti 3.17)
Ahellil 1.119
