CrossTikta ara d-nawi tikelt-agi deg umezruy, d tiɣri i “Yemɣaren n Tmezgida”.

D acut wazal sɛan “Yemɣaren” di tudert d uselmed n tmezgida, d zik d ass-a ?

D acu-t wazal n leqraya-nsen d tikta-nsen?

S isteqsiyen-agi, a nnadi ɣef later-nsen deg umezruy, ɣef wazal d leqdic-nsen deg usbeddi n tmezgida, deg akud, ugar n sin n igiman aya, segmi d-yenjer webrid d uṣiweḍ n isallen n inelmaden imezwura.

Amek alarmi i d-banen Yemɣaren-agi, d wacu n udabu d tezmert sɛan di tudert d umezruy?

Di tazwara, a d-nini metwal n lqern wissin, i yebda yisem-agi n “Yemɣaren” nsell-as deg iḍrisen d tebṛatin iteddun ger iselmaden d yemḍebbren n tmezgida. Deg ussan-nni, neqqar i yal amray d uselmad, d “Amɣar” neɣ d “Ababat”.

Deg seggas n 177, di lemtel, kra n imasiḥiyen yettuqehren, d kra imeɣras, ttɛennin ɣer leɛnaya n umeqran n tmezgida n Ṛuma, ssawalen-as: “ Ay Ababat ! ” neɣ, “ Ay Amɣar ! ”.

A naf daɣen di tmazɣa, isem-agi iccud ɣer Sibryanu. Di tebratin d yeḍrisen yura Sibriyanu n Qaṛtaǧ nezmer a d-nɣar : “ Ababat Sibriyanus ”.

Ɣer zdat, yuqel yisem-agi n “Wemɣar” d win I s ssawelen akk imasiḥiyen I wid yellan d imeqranen di leqdic d uselmed. Ɣer lqern wis rebɛa, yeqqim-d yisem-agi n “Wemɣar” di temnaḍin meṛṛa d yegrawen.

S wuden n umezruy, d wudem n tmusni n Tira, “Imɣaren” mačči kan d imḍebbren di leqdic, lameɛna qqimen-d i tsuta meṛṛa i d iteddun, d wid yessarsen lsisan n uselmed d timsal akk yeɛnan tikli n tmezgida.

Ɣur-sen adabu n tmusni. D nutni i yessarsen azalen n teflest ara ḍefren yemdanen meṛṛa. Axaṭer nudan s telqayt, di Tira, iwakken a d-afen ayen akk iwulmen i tikli d lefhama n teflest. Acḥal n yegrawen d timliliyin anida ssemsawan timsal d uselmed di lumuṛ akk n teflest.

A d nini, d iselmaden d inagan. D inagan n uselmed d tudert n tmezgida. D inagan n umezruy d tedyanin i deg ddren. D tanagit ara d ncud daɣen ɣer imeɣras n tmezgida.


Commentaires (0)



Pour ajouter un commentaire il faut être membre du site