Tidyanin n yezri d tid i d-iteddun

Adlis n Tira degs leqsed n Yillu i talsa. Ihedder-d ɣef tedyanin n yezri, n wass-a, d tid d-iteddun. Ɣer win akken yellan d Illu d Ameɣlal, immal n ddunit, d yimmal n yal amdan, icuba ɣer wedlis yellin. S yimi n nnbi Icɛaya, yenna-d:

" Nekk d Illu, yerna ulac i ycuban yur-i;
a d-berrḥeɣ si tazwara s wayen ara d-yeḍrun
Si tazwara si zik, s wayen mazal ur nettwakemmel
Nniɣ-d: lumuṛat-iw ad ilin i lebda
Yerna ad xedmeɣ meṛṛa lebɣi-inu. "

Akken yella di leqsed aneblal n Yillu Ameɣlal Anezmar, lmut n Lmasiḥ-ines ad t-id teḍfer trennawt n tudert. D tadyant-agi ur nesɛi lemtel, ḥeggu n Lmasiḥ, i ɣef d-icar, i d-iberreḥ nnbi Dawed, d leqṛun uqbel tisin n Lmasiḥ, makken d-yenna: " Ur tettaǧǧaḍ ara win aɛzizen fell-ak ad iẓer rekku! "

Ur tezmir ara ad terku tfekka n Win akken iɛacen mebla abekkaḍ. Ass wis tlata si lmut-is d temḍelt-is, Lmasiḥ yuaɣal-d ɣer tudert¹. Iban-d yedder i tuggett n inagan, rebɛin wussan. Yuɣal yuli ɣer igenni, akken t-i-d yenna yakan i yinelmaden-is, makken llan akken deg udrar. Imeslayen ineggura i sen-d-yeǧǧa, d lweɛd: " a wen-d-ttunefk tezmert, Ṛṛuḥ Iqedsen ara d-yersen fell-awen, a ttilim tinagan-iw..." Dɣa, tɣummit tagut ɣef wallen-asen. Yesnekmal Lmasiḥ lweɛd-agi, ɛecra wussan mbeɛd mi yuli s igenni². Yessers-d ɣef wid akk yumnen-yis Ṛṛuḥ Iqedsen³. Yettunefk-as i Lmasiḥ yal adabu deg igenni aked lqaɛa. Akka tura, netta yedder, ɣer tama n Yillu. Isedday, yesseǧhad s Ṛṛuḥ-is wid akk yetteklen fell-as.

Tuɣalin n lmasiḥ
Tira Iqedsen qqarent-d belli lmasiḥ a d-yuɣal s yiman-is di tfekka-ines. A d-yuɣal s tezmert aked tmanegt meqren. A d-ddun yid-s lmalayek-ines. Tuɣalin-is ur bennun ara fell-as yemdanen : « Deg ayen yeɛnan ass d ssaɛa, ulac win yeẓran... di teswiɛt ɣef ur tettxemmimem ara » i d-nnat Tira. Ɣer tuɣalin-is, « yal tiṭ a t-twali » yerna a t-ɛqlen meṛṛa.

Yusa-d Lmasiḥ, tikelt tamezwarut iwakken ad isellek wid iḍaɛen. Ula ass-agi, d Amsellek-nwen, d Mas-nwen, ma tetteklem fell-as. D acu kan, ma yella ur teǧǧim ara ddnub-nwen, mur tettkilem ara fell-as, ad awen yuqel d anezzarfu ara yḥekmen fell-awen, ass mara d-yuɣal.

Azaraf aneggaru
Tadyant nniḍen i d-iteddun, ɣef d-ttmeslayent Tira, d azaraf aneggaru. Win yumnen s Lmasiḥ “ ur yettɛeddi ara deg zaraf ”, ma d wid ur d-necqiɛ ara di Lmasiḥ yerna ǧǧan-t, ad ɛeddin zdat n tgeldit-is, ad yeḥkem fell-asen, ɣef ddemma n ibekkaḍen-nsen. Dinna, ayen akk yeffren ad yeḍher, ulac ayen ara ydergen. D azaraf ara yettwakemlen, d aneggaru, a d-yawi ɣer umerret, i lebda.

Ǧahennama
Amerret n dayem neɣ ǧahennama d tilawt qeṛṛiḥen. D agzam i lebda ɣef Yillu. D anzafen meqqren ara yilin dinna. Atah wamek d-yettmeslayent fell-as Tira : « Tillas n beṛṛa, tafgurt n tmes ur nfennu, d times ur nxetti ara, d isaffen n tmes, d amkan imeṭṭawen d uqeṛṛec n tuɣmas », artg. Amerret-agi iweɛren, a d-yeɣli ɣef wid meṛṛa ur neqbil ara Lmasiḥ d leslak-ines. Tira qqarent-d : “ amur-nsen deg asif yerɣan n tmes... ddexxan ucayuḍ-nsen yettali i leqṛun d leqṛun; ur ttissinen ara astaɛfu, am ass am yiḍ...”.

Igenni
Ḥala snat n tilawtin i yellan si lmut akkin. Igenni d ǧahennama. Deg igenni, wid akk yumnen s Lmasiḥ, i wumi yessared ibekkaḍen s idammen-is yuzlen fell-asen, wigini ad idiren i dayem, di tdukli aked Yillu. Ad issinen lferḥ ur nfennu, di talit n Yillu, netta “ ad ten-iseddu ɣer leɛwanṣer n waman n tudert... yerna ad sen-yeṣfeḍ akk imeṭṭawen n wallen-sen ”. Ur yettili ara yiḍ; ur ttiḥwiǧin ara abellar neɣ tafat, axaṭeṛ d Ṛebbi ara sen-yefken tafat. Yerna ad ḥekmen i dayem (leqṛun d leqṛun)".

Assa-agi daɣen, skud nettidir, werɛad i d-yuqel Lmasiḥ, nezmer a nextir abrid yettawin ɣer tudert n dayem, ɣer igenni. Yiwen n Yillu kan i yellan, daɣen yiwen n webrid kan, win akken d mmalen lenbeyya n Ṛebbi : Lmasiḥ. Yusa-d Lmasiḥ ad icrek tameddurt-nneɣ, yefka iman-is d asfel ɣef ubekkaḍ-nneɣ, am izimer amelsi, ur nesɛi lɛib. D netta kan i d-yeḥyan si lmut, yeqqim ɣer uyeffus n Yillu. D netta kan i yzemren ad yecfeɛ fell-aneɣ, nekni yellan d imednuben. Ad isellek akken ilaq wid akk ara yqerben ɣer Yillu, s yisem-is.

Daɣen nekni, ass-agi i nezmer, a nextir a neǧǧ abrid yettawin ɣer nnger n dayem, d abrid yewwi yal amdan amednub, i d-iqqeṛsen si Ṛebbi. D lebɣi n cciṭan iwakken a nettkemmil deg ubrid-agi n nnger. Lameɛna, nezmer, s tlelli-nneɣ, a neqsed a neǧǧ abrid-agi. A neḍfeṛ lmasiḥ, netta yedder, yerna a s-naɣ awal. Tqesdem, ass-agi, a ken-yessizdeg Lmasiḥ si ddnub, ad tqerbem ɣer Yillu s lettkal, ad teḥṣum s tidett belli ussuref-awen? Tebɣam ad teddum deg ubrid n tudert? Lmasiḥ yenna-d: “ D nekk i d abrid, tidett d tudert ”. “ Ulac win a d-yasen ɣer Bab igenwan siwa yis-i”.

Tura, uqbel ad taẓem ɣer zdat, erret-d ɣef umseqsi n temsirt-agi

Les questions de cette leçon