I lmend n useggas amaynut, d tameɣra n “Yennayer” di yal tamnaṭ n Tmazɣa.
D ass i yezdukulen imaziɣen meṛṛa anda ma llan. D ass n tegmatt i ɣ-d-yesmektayen amezruy d wakud i deg d-telḥa tmazɣa.
D ass n usirem d lferḥ ara yeẓẓun talwit deg ulawen. D ass i s ara nessiked ɣer umezruy. D amezruy lqayen, d anagi ger tɣermiwin d leǧnas meṛṛa i ɣ-d-yezzin.
Yennayer d lɛid aazizen fell-aneɣ meṛṛa. Axaṭeṛ d amezruy-nneɣ d tinettit-nneɣ. Anẓer acḥal d-yers ufus n Ṛebbi, yeḥrez tudert-nneɣ, yeḥrez later d wakal-nneɣ.
Yiwen seg imdukal n wannar-agi n “Tmusni” yura-yaɣ-d kra n imeslayen n ccfawa d umenni, ccuṛen-aɣ ulawen. I lmend n Yennayer d useggas amaynut, nebɣa a ten-id necrek yidwen. Atah weḍris i ɣ-d-icegga gmat-nneɣ “Amnay”:
“ Aseggas yezrin, aṭas n Yemdanen i yeγlin seddaw ufus n kra n tisnuraf (dictatures), aṭas i yemmuten, maεna deg ayagi meṛṛa, tigrawliwin i yeḍran, lant tid iwumi semman tigrawliwin n tlelli , n teγdemt d uzref. S Tidet, yelha ma yella timura beddent γef uzref d lḥerma i tudert n liser, maca nekk bγiγ ad sirmeγ d akken tigrawliwin n lḥeq neγ n tlelli ad illint ugar deg ulawen n yemdanen. Bγiɣ ad sirmeγ i wegdud azzayri d wid n tefriqt ugafa s umata aseggass amerbuḥ, Yennayer amendi, tudert aked Lmasiḥ ifazen, d tin ar a d-yeglun s lbarakat di yal amḍiq ara yeεfes lḥafer n yal Amasiḥi.
Yennayer assaεdi, win ar a d-yawin tudert n liser, tudert d lehna i yal afriqi (aferkiw). Ad iḥrez Yillu akk wid iqedcen γef tgelda-s.”
D asirem-nneɣ meṛṛa !
Yal aseggas d anerni deg iseɣ d tlelli. D abrid n teɣdemt ara ynejren s teɣzi s tehri. D leḥmala d tayri ara yennernin deg ulawen meṛṛa. D asbeddi n leqder d lehna.
Iwakken daɣen a neḥrez asirem nesɛa, awen-d-neǧǧ imeslayen-agi n Lmasiḥ, i nemnna d lebni d ttissas, i s ara nqabel ussan d iseggasen i d-iteddun :
“ D iseɛdiyen wid iteddun s neyya, axaṭeṛ tagelda n igenwan d ayla-nsen!
D iseɛdiyen wid yettrun, axaṭeṛ ad ttwiṣebbren ! D iseɛdiyen wid ḥninen, axaṭeṛ ad werten tamurt ! D iseɛdiyen wid illuẓen, ifuden lḥeq, axaṭeṛ ad ṛwun! D iseɛdiyen wid isɛan ṛṛeḥma deg ulawen-nsen, axaṭeṛ a sen-d-tettunefk ṛṛeḥma! D iseɛdiyen wid iwumi yeṣfa wul, axaṭeṛ ad walin Illu! D iseɛdiyen wid i d-isrusun talwit, ad ttusemmin d arraw n Yillu! ”. ( Matta 5:3-9)
Nessaram teɣzi n leɛmeṛ d lehna i ymaziɣen meṛṛa. Yennayer d amerbuh !