D ameyyez si Tira Iqedsen ɣef tikki-nneɣ akled laɛbada di tudert-nueɣ. Assaɣ-nneɣ aked Ṛebbi.
Tazwert
2000 isseggasen aya, imasiḥiyen ttakken-d agzul yeɛnan liman-nsen swakken llant Tira Iqedsen, xeddmen yiwen n welmud swayes ara sselmaden almud amasiḥi i warrac imectaḥ. Idṛisen agi ttɛawanen arrac imectaḥ akk-d ilmezyen iwakken ad lemden, ad sɛun tamusni. Sseghaden daɣen liman n wid meqren di leɛmeṛ. Ar tagara, ttilin d ttawilat swayes ara nḥerreb ɣef yiman-nneɣ, ur nqebbel ara tikta n lekdeb.
Adlis agi "Uɣaleɣ d ayla n Sidi Ṛebbi", yettemcabi ɣer yelmuden nniḍen imasiḥiyen ama d wid n zzik ama d wid n tura.
Aṭas n yemḍebren imasiḥiyen i gttekkan deg uḥeggi n welmud agi; gar-asen, llan yemḍebren n tmurt n Tefriqt, n tmurt n Urupa akk-d tmurt n Marikan. Almud agi, nezmer a t-nesseqdec deg ixxamen-nneɣ, ger iɛeggalen n twacult-nneɣ neɣ di tmezgida, ger watmaten akk-d tyestmatin di Lmasiḥ iwakken a ten-yawideg umeyyez d wesqerdec. Almud agi yelha-yaɣ daɣen i nukni s yiman-nneɣ, iwakken a ɣ-iɛawen deg umeyyez d wesqerdec.
Ay ameɣri ɛzizen, aql-aɣ nettẓalla ɣer Sidi Ṛebbi, iwakken a k-iɛawen wedṛis agi, att-ttesɛuḍ laman deg Ugellid Ameqran, Sidna Ɛisa. Sidna Ɛisa Lmasiḥ, iḥemmel-ik armi i gsebbel tudert-is fell-ak.
Harold Kallemeyn
